ბანანი და ავოკადო ინსულტის შეტევისგან გიხსნით!

ბანანი და ავოკადო ინსულტის შეტევისგან გიხსნით!

ინსულტის ან გულის შეტევის თავიდან ასაცილებლად საკმარისია დღეში ერთი ბანანის ან ერთი ავოკადოს მირთმევა.

რა სარგებელი მოაქვს ავოკადოს და ბანანს?

• ჯანსაღი საკვები გულისათვის

როდესაც ბანანი და ავოკადო შერწყმულია და ერთად მიიღება, ისინი ორგანიზმს სრულფასოვანი კვებით უზრუნველყოფენ და ფასდაუდებელ სარგებელს გვთავაზობენ.

• ვიტამინები და მინერალები

ორივე, ავოკადოც და ბანანიც მდიდარია ვიტამინებით, მინერალებით და სხვა უნიკალური ნივთიერებებით. ბანანი არის ვიტამინების A, E, B6, მანგანუმის და სპილენძის შესანიშნავი წყარო. ბანანი ასევე შეიცავს რამდენიმე ანტიოქსიდანტს, რომელიც ანელებს ორგანიზმში დაბერების პროცესს.

• ავოკადოს და ბანანის სარგებელი სპორტსმენებისთვის

ბანანის ნაყოფი შედგება რბილი, ადვილად მოსანელებელი ბოჭკოებისგან მარტივი შაქრებით – ფრუქტოზა და საქაროზა. ბანანი სწრაფად ავსებს ორგანიზმს ენერგიით. ამიტომ ეს ხერხი ფართოდ გამოიყენება სპორტსმენების მყისიერად ენერგიის აღსადგენად.

ავოკადო ასევე მდიდარია ვიტამინებით, შეიცავს C ვიტამინს, B ჯგუფის ვიტამინებს, პროვიტამინ A-ს, PP და D ვიტამინებს, ლიდერია E ვიტამინის შემცველობით, რომელიც იცავს უჯრედებს დაბერებისგან და ასტიმულირებს მათ ჟანგბადით გამდიდრებას.

ორივე ხილში ფართოდ არის წარმოდგენილი მინერალები: კალიუმი (ავოკადოში ის უფრო მეტია ვიდრე ბანანში), ნატრიუმი, კალციუმი, ფოსფორი, მანგანუმი, მაგნიუმი, რკინა და სხვა.

რა სარგებელი მოაქვს ავოკადოს დაბანანს ორგანიზმისთვის?

ორივე, ავოკადოც და ბანანიც შეიცავს უამრავ კალიუმს, რომელიც ხელს უწყობს გულის გამართულ ფუნქციონირებას, ამცირებს ინსულტისა და ინფარქტის რისკს და სისხლძარღვებს უფრო ელასტიურს ხდის.

ავოკადო ასევე ამცირებს გულ-სისხლძარღვთა დაავადებების რისკს პოლიუჯერი ცხიმოვანი მჟავების გამო. სწორედ ამ მჟავების ნაკლებობაა ათეროსკლეროზის განვითარებისა და ქოლესტერინის ცვლის დარღვევის ერთ-ერთი მიზეზი.

• საჭმლის მონელებისთვის

ბანანის და ავოკადოს კომბინაცია ხელს უწყობს საჭმლის მონელების გაუმჯობესებას. ბანანის დიეტური ბოჭკო დადებითად მოქმედებს საჭმლის მონელების პროცესზე. ისინი არ აღიზიანებენ კუჭის ლორწოვან გარსს, არ იწვევენ გულძმარვას, აუმჯობესებენ ნაწლავის მოძრაობას, ხელს უშლიან შეკრულობას.

გარდა ამისა, ბანანის ბოჭკოვანი სტრუქტურა აჩქარებს ორგანიზმში უკვე გაჯერებული ცხიმების დაშლას, რითაც ხელს უწყობს დაბალი სიმკვრივის ლიპოპროტეინების („ცუდი ქოლესტერინი“) დონის შემცირებას.

ბანანის რბილობი შეიცავს მნიშვნელოვან ფიზიოლოგიურად აქტიურ ნივთიერებებს – კატექოლამინებს. ამ ნივთიერებების წყალობით ბანანი წარმატებით გამოიყენება ნაწლავური დაავადებების, კუჭისა და თორმეტგოჯა ნაწლავის პეპტიური წყლულების სამკურნალოდ.

ავოკადო აუმჯობესებს საჭმლის მონელებას და ხსნის ყაბზობას. ერთი საშუალო ხილი შეიცავს 12 გრამ ჯანსაღ საკვებ ბოჭკოებს, რაც მას შესანიშნავ პროფილაქტიკად აქცევს.

• ანტიოქსიდანტების წყარო

ბანანისა და ავოკადოს ნარევი შეიცავს ანტიოქსიდანტებს, რომლებიც ხელს უწყობენ ორგანიზმში ანთების შემცირებას.

• თვალის ჯანმრთელობა

ეს ხილი ასევე შეიცავს უფრო მეტ კაროტინოიდს, კონკრეტულად ლუტეინს, ვიდრე ნებისმიერი სხვა ხილი. ლუტეინი არის მთავარი ანტიოქსიდანტი, რომელიც იცავს ბადურის დეგენერაციას და თვალის კატარაქტასგან.

• წონის დაკლებისთვის

გაჯერების ხანგრძლივი შეგრძნება (სახამებლისა და ბოჭკოს შემცველობის გამო) ბანანს იდეალურ დიეტურ საუზმედ აქცევს. მაგრამ მნიშვნელოვანია გვახსოვდეს, რომ დღეში მხოლოდ ერთი საშუალო ზომის ბანანი უნდა მიირთვათ, რადგან ის შეიცავს ნახშირწყლების ყოველდღიური მოხმარების 40%-მდე.

რა სარგებელი მოაქვს ავოკადოს ჭამას?

ბანანის მსგავსად, ავოკადო გეხმარებათ წონის დაკლებაში, გაგრძნობინებთ სისრულეს და ზღუდავს მადას. ეს ხილი მდიდარია ბოჭკოვანი და ჯანსაღი ცხიმებით. სწორედ ამიტომ, კრიტიკული კალორიული შემცველობის მიუხედავად, ავოკადოს კერძების სარგებელი წონის დაკლებისთვის უბრალოდ ფასდაუდებელია.