ოთხშაბათი, მაისი 22, 2024
aviabiletebi aviabiletebi
aviabiletebi
Homeჯანმრთელობაკოჭას წყალობით სისხლი სწრაფად იწყებს მოძრაობას და ის ასევე კარგად მოქმედებს სისხლძარღვების...

კოჭას წყალობით სისხლი სწრაფად იწყებს მოძრაობას და ის ასევე კარგად მოქმედებს სისხლძარღვების ჯანმრთელობაზე!

კოჭას წყალობით სისხლი სწრაფად იწყებს მოძრაობას და ის ასევე კარგად მოქმედებს სისხლძარღვების ჯანმრთელობაზე!

ალბათ ყველა დიასახლისი იცნობს კოჭას (მას ჯანჯაფილსაც უწოდებენ), რომელსაც სანელებლად იყენებენ. ბევრი რამ მსმენია ამ მცენარეზე.

კოჭას ჩაი ათბობს მთელ ორგანიზმს, მისი ზემოქმედებით სისხლძარღვებში თითქოს სისხლი სწრაფად  იწყებს მოძრაობას.

სამკურნალო რეცეპტი:

  1. 400 გრ კოჭას გასუფთავებული ფესვები გახეხეთ, ჩაყარეთ მინის ნახევარლიტრიან ბოთლში და დაასხით სპირტი ან არაყი.
  2. დადგით თბილ ადგილას ორი კვირის განმავლობაში, დრო და დრო შეანჯღრიეთ.
  3. შემდეგ გადაწურეთ (შეძლებისდაგვარად გამოწურეთ კოჭა) და ნაყენი კვლავ დადგით 1-2 დღე.
  4. მიიღეთ თითო ჩ/კ 2-ჯერდღეში, შეგიძლიათ მიაყოლოთ ცოტა წყალი.

კოჭას ნაყენი კარგად მოქმედებს სისხლძარღვებზე და აძლიერებს სისხლის მიმოქცევას. თუ ხშირად გეყინებათ ხელ-ფეხი (სითბოშიც კი), აუცილებლად მიიღეთ კოჭას ნაყენი. ეს ნაყენი შეგიძლიათ გამოიყენოთ გაყინვის, კიდურების მოყინვის, შემცივნების (რომელიც არ არის დაკავშირებული სიცხის მატებასთან) დროს.

კოჭა კარგი საშუალებაა ასთმის სამკურნალოდაც — იგი ხსნის შეტევას, სწრაფად გამოყავს ავადმყოფი მდგომარეობიდან. თუ ნაყენს განაზავებთ, შეგიძლიათ, გამოივლოთ ყელში ანგინის დროს. კოჭას ნაყენს, ისევე, როგორც კოჭას ჩაის, მოჰყავს მადა, აუმჯობესებს ნივთიერებათა ცვლას.

ზამთარში ადამიანი ბევრს ჭამს და საჭმელი დიდხანს რჩება კუჭ-ნაწლავში. ამიტომ პერიოდულად უნდა მივეხმაროთ კუჭსა და ნაწლავებს საკვების „დაწვაში“. სწორედ ამ საქმეს აკეთებს კოჭა და კარგი იქნება, თუ ზამთრის პერიოდში მას ხანდახან მაინც მივიღებთ ხოლმე.

კოჭას კიდევ ერთი დადებითი თვისება აქვს: ხსნის დაძაბულობას, ამშვიდებს. ამგვარად, ერთი მცენარის ნაყენის მიღებით მრავალგვარი მოქმედების წამალს ვიღებთ. ზაფხულში, სიცხეში, კოჭას მიღება არ შეიძლება.

 ექიმის კომენტარი:

კოჭა (ჯანჯაფილი) მრავალწლიანი მცენარეა. მის მოშენებას მისდევენ ავსტრალიასა და იაპონიაში, თუმცა ჩვენშიც ხარობს. ახასიათებს დამუხვლილი ფესურა, საიდანაც ცალკეული ყლორტი ვითარდება. ყლორტებზე აქვს ლანცეტისებური ფოთლები და იისფერი ყვავილების თავთავისებური ყვავილედები. ძველ ქართულ კარაბადინებში იხმარებოდა ზანჯაბილის ფესვი კუჭ-ნაწლავის დაავადებათა სამკურნალოდ, მაგრამ ამ მცენარეს ძირითადად სანელებლად იყენებდნენ. ფარმაკოპეაში კოჭა შეტანილი არ არის.

Facebook კომენტარები
შეიძლება დაგაინტერესოთ
ავიაბილეთები

ყველაზე პოპულარული