ჩემს პატარებს ზამთრობით ხშირად ემართებოდათ გრიპი. მისგან თავის დაღწევაშ კი ხახვი მეხმარება. რა თქმა უნდა, სუფთა სახით ხახვს ბავშვები არ ჭამენ,მაგრამ მისგან მომზადებულ ტკბილ წამალს სიამოვნებით მიირთმევენ.
მომზადება: 500გ გაფცქვნილი ხახვი დაკეპეთ, დაუმატეთ 50 გ თაფლი და 40გ შაქარი, დაასხით 1ლ წყალი და წყლის ორთქლზე 3 სთ ხარშეთ. ხახვი მთლიანად გაიქნება.
მიღებული ხსნარი ჩაასხით ბოთლში, დაახურეთ სახურავი და შეინახეთ მაცივარში. მიიღეთ თითო დესერტის კოვზით 3-5-ჯერ დღეში. მიღება უნდა დავიწყოთ პროფილაქტიკის მიზნითაც. ჩემს პატარებს ზამთრობით ხშირად ემართებოდათ გრიპი. მისგან თავის დაღწევაშ კი ხახვი მეხმარება
ექიმის კომენტარი: დღეს მედიცინას მოეპოვება უამრავი ანტივირუსული თუ იმუნომასტიმულირებელი საშუალება, მაგრამ ზოგ შემთხვევაში მათი გამოყენება ბავშვებში შეზღუდულია. წამალი მით უფრო ღირებულია, რაც ნაკლები გვერდითი მოქმედება და გართულება ახასიათებს. ამ მხრივ, რაღა თქმა უნდა, შეუდარებელია ბუნებრივი, კვებითი პროდუქტებისაგან მომზადებული სამკურნალო საშუალებები.
ხახვის ანტისეპტიკურ, ანტიანთებით, ანტიბაქტერიულ თვისებებზე არაერთხელ გვისაუბრია. ასევე უნიკალური ანტიანთებითი და იმუნომოდულატორული (იმუნიტეტის მომწესრიგებელი) თვისებები აქვს თაფლს. მათი კომბინაცია უდავოდ კარგ ეფექტს მოგვცემს. მაგრამ აუცილებლად უნდა გავითვალისწინოთ, რომ წამალი უნდა იხარშოს არა ცეცხლზე, არამედ წყლის ორთქლზე, წინააღმდეგ შემთხვევაში, იგი ისეთი ეფექტიანი აღარ იქნება, რადგან თაფლიცა და ხახვიც თვისებებს დაკარგავს, ხოლო შაქარი ხანგრძლივი ხარშვისას მავნე თვისებასაც იძენს, მიღებული წამალი მიეცით ბავშვს ჭამის შემდეგ, რათა არ გაუღიზიანოს კუჭ-ნაწლავი. დაუდევრობის ბრალია, რომ არ ვიყენებთ მატ სამკურნალოდ.
