გთავაზობთ რეცეპტებს, რომელიც გიშველით ქრონიკული ჰეპატიტის დროს! დროში გამოცდილია ბევრი ადამიანის მიერ!
დღეს ბევრ ადამიანს აქვს C ჰეპატიტი და დახმარებას ითხოვს. გთავაზობთ რეცეპტებს, რომელიც გიშველით ქრონიკული ჰეპატიტის დროს, მაგრამ ზუსტად უნდა დაიცვათ მკურნალობის სქემა.
პირველი თვე
- საღამოს თერმოსში ჩაყარეთ თითო ს/კ ტყის მარწყვი, ბირკავა, კატაბალახას ძირები და დაასხით 0,5 ლ მდუღარე წყალი. დილით ნაყენი გადაწურეთ, ოდნავ შეაგრილეთ, დაუმატეთ თაფლი (1 ჩ/კ — 1 ჭიქა ნაყენზე). დალიეთ უზმოზე, ჭამამდე 1 საათით ადრე.
- თაფლიანი ნაყენის მეორე ნახევარი დალიეთ ძილის წინ. ასეთი მკურნალობა უნდა ჩაიტაროთ ერთი თვის განმავლობაში. ამასთან ერთად, თვის პირველი 10 დღე უნდა სვათ მარწყვაბალახას ნაყენი, რომელიც ასე მზადდება:
- 50 გ ბალახის ფესვებს დაასხით0,5ლ არაყი და 10 დღე დადგით ბნელ ადგილას. მიიღეთ თითო ს/კ 3-ჯერ დღეში, ჭამამდე. ნაყენი უნდა გააზავოთ ცოტა წყალში. შემდეგი 10 დღე სვით ქრისტესისხლას ნაყენი.
- ივნისში შეაგროვეთ ამ მცენარის ყვავილიანი ღეროები, დააქუცმაცეთ, შეავსეთ ლიტრიანი ქილა, დაასხით არაყი, დადგით სიბნელეში, 2 კვირის შემდეგ გადაწურეთ. სვით თითო ს/კ 3-ჯერ დღეში, ჭამამდე. პირველი თვის ბოლო ათ დღეს უნდა სვათ ბაბუაწვერას ყვავილების ნაყენი.
- ლიტრიანი ქილა აავსეთ ბაბუაწვერას ყვავილებით, დაასხით არაყი. 2 კვირის შემდეგ გადაწურეთ და სვით ცოტა წყალში გაზავებული თითო ს/კ 3-ჯერ დღეში, ჭამამდე.
ერთთვიანი მკურნალობის შემდეგ უკეთესობას იგრძნობთ. შემდეგ უნდა დაიწყოთ მკურნალობის ახალი ერთთვიანი კურსი.
მეორე თვე
საღამოს თერმოსში ჩაყარეთ თითო ს/კ დაქუცმაცებული ნეგოს ყვავილი (უკვდავა), წითელი მოცვის ფოთლები და ფარსმანდუკი (მელიკუდა). დაასხით 0,5 ლ მდუღარე წყალი. დილით ნაყენი გადაწურეთ, ოდნავ შეაგრილეთ. დაუმატეთ თაფლი (1/ჩ/კ — ერთ ჭიქა ნაყენზე) და ერთი ჭიქა დალიეთ უზმოზე. მეორე ჭიქა კი მიიღეთ ღამით, ძილის წინ. ეს ნაყენი უნდა სვათ ერთი თვის განმავლობაში.
ბალახების ნაყენთან ერთად პირველი 10 დღის განმავლობაში უნდა სვათ ფშანის ეკლის ნაყენი. 50 გ ფშანის ეკლის ფესვებს დაასხით 0,5 ლ არაყი, დადგით 10 დღე სიბნელეში, გაწურეთ და მიიღეთ თითო ს/კ 3-ჯერ დღეში, ჭამამდე. ნაყენი უნდა განაზავოთ მცირე რაოდენობის წყალში.
მომდევნო 10 დღე სვით კულმუხოს ფესვების ნაყენი, რომელიც ანალოგიურად მზადდება. მეორე თვის ბოლო ათი დღე კი სვით იმავე წესით მომზადებული ოროვანდის ნაყენი. ასეთი მკურნალობა ჩაიტარა ჩემმა მეუღლემ და სისხლის ბიოქიმიური შემადგენლობა მკვეთრად გაუუმჯობესდა. მაგრამ დაიმახსოვრეთ, რომ ნაყენები წინასწარ უნდა მოამზადოთ, რათა მკურნალობის კურსი არ გაწყდეს და ერთის დამთავრებისთანავე მეორე დაიწყოთ.
