შაბათი, მაისი 18, 2024
aviabiletebi aviabiletebi
aviabiletebi
Homeსილამაზედაუჯერებელი სიმართლე! - 6 ეფექტური მრეცეპტი ჭორფლებისა და პიგმენტური ლაქების მოსაცილებლად!!

დაუჯერებელი სიმართლე! – 6 ეფექტური მრეცეპტი ჭორფლებისა და პიგმენტური ლაქების მოსაცილებლად!!

დაუჯერებელი სიმართლე! – 6 ეფექტური მრეცეპტი ჭორფლებისა და პიგმენტური ლაქების მოსაცილებლად!!

ჭორფლს შეიძლება მემკვიდრული ბუნება ჰქონდეს, თუმცა არის შემთხვევები, როცა თეთრი კანის მქონე ადამიანებს გენეტიკური ფაქტორების არარსებობის პირობებშიც აქვთ ჭორფლი. აღსანიშნავია, რომ ჭორფლი მუქდება გაზაფხულზე, რისი მიზეზიც გაზაფხულის მზეა, ზამთარში კი შედარებით უფერულდება.

შეუძლებელია ჭორფლის თავისთავად, დროთა განმავლობაში გაქრობა. მისი გაუფერულების მიზნით ქალმა მუდმივად უნდა გამოიყენოს სპეციალური გამათეთრებელი ნიღბები, ლოსიონები ან კრემები, რომელთა ფართო არჩევანიც გვაქვს დღევანდელ კოსმეტიკურ ბაზარზე.

ჭორფლი ახალგაზრდა გოგონებს განუმეორებელ ხიბლსა და მიმზიდველობას მატებს და ძალიან ბევრი არც კი ცდილობს მის მოშორებას. თუმცა, თუ თქვენ ძალიან გაწუხებთ ჭორფლი, მაშინ უნდა მოერიდოთ მზეს, გამოიყენოთ დამცავი და ასევე შეგიძლიათ გამოიყენოთ სახეზე მჟავე მაწვნის ნიღაბი:

  • წაისვით სახეზე მაწონი,
  • გაიჩერეთ 10 წუთი,
  • ჩამოიბანეთ თბილი წყლით.

რას გვირჩევს ხალხური მედიცინა ჭორფლის მოსაშორებლად?

გაზაფხულზე მზის სხივების ზემოქმედებით ბევრს უჩნდება ჭორფლი, რაც ხშირად უსიამოვნების მიზეზადაც ქცეულა. ეს პრობლემა მეც მაწუხებს. დიდხანს ვეძებდი მისგან თავის დაღწევის საშუალებებს, ამიტომ ჭორფლის საწინააღმდეგო უამრავი რეცეპტი დამიგროვდა.

მინდა გაგაცნოთ მხოლოდ ის რეცეპტები, რომლის ეფექტიანობაც საკუთარ თავზე გამოვცადე:

1. 1 კონა ოხრახუში ხორცსაკეპ მანქანაში გაატარეთ და გაწურეთ. წვენს დაამატეთ იმავე რაოდენობის რძე და ყოველდღიურად შეიზილეთ სახეზე. გაიჩერეთ 15 წუთი, ჩამოიბანეთ ოთახის ტემპერატურის წყლით.

2. 1 ჩ/კ კალენდულის ყვავილებს დაასხით 0,5 ჭიქა მდუღარე წყალი, შეფუთეთ და დადგით 40 წუთი. გადაწურეთ, დაამატეთ 1 ჩ/კ ხახვის წვენი და ამ ნარევით ჩამოიბანეთ სახე დღეში რამდენჯერმე.

3. შეურიეთ ერთმანეთს თითო ჩ/კ ხახვის, ცოცხალი კიტრის წვენი და 1 ჩ/ჭ ცივი, ანადუღარი წყალი. ეს ნარევი შეიზილეთ სახის კანში.

4. 1 ჩ/კ სტაფილოს წვენს დაუმატეთ 3-4 წვეთი ლიმონის წვენი. შეიზილეთ ნარევი სახის კანში დილა-საღამოს.

5. ყოველ დილით სახის კანი დაიმუშავეთ მაწვნით.

6. კვირაში 2-3-ჯერ სახეზე 15 წუთით წაისვით 1 კვერცხის გულის და 1 ჩ/კ თაფლის ნარევი. შემდეგ ჩამოიბანეთ ცივი წყლით.

ექიმის კომენტარი:

მოცემულ რეცეპტებში შედის ისეთი კომპონენტები, რომელსაც კანის პიგმენტური ლაქების — ჭორფლის გაფერმკრთალების ეფექტი აქვთ. ხალხური მედიცინიდან ცნობილია ასეთი საშუალებები: ხახვის წვენი, ლიმონის წვენი, მჟავე რძე. მაგრამ აუცილებლად უნდა გაგაფრთხილოთ, რომ რეცეპტებში მოცემულ ზოგიერთ საშუალებას ალერგენული თვისებები აქვს.

Facebook კომენტარები
შეიძლება დაგაინტერესოთ
ავიაბილეთები

ყველაზე პოპულარული

დაკოპირება ისჯება კანონით ! !