“47 წლის ვარ. ჩემი ასაკის ქალები ხშირად უჩივიან ჰორმონალურ დარღვევებს, მათ ვურჩევ გამოიყენონ პროფილაქტიკისთვის მიხაკი”..
ექიმები კი ეუბნებიან, — ეს ასაკის ბრალიაო. ასაკის მატებასთან ერთად ქალის ორგანიზმში თანდათანობით მცირდება ქალური ჰორმონების — ესტროგენების გამომუშავება მცირდება და იწყება კლიმაქსური მოვლენები, ირღვევა ციკლი.
ზოგჯერ ასეთი მოვლენების მიზეზი სხვადასხვა წამალიცაა. მაგრამ ორგანიზმის ჯანსაღად შენარჩუნება ჩვენს ხელთაა და ამას აუცილებლად შევძლებთ, თუკი ბუნებრივ საშუალებებს მივმართავთ. ამ ასაკის ქალბატონებს ვურჩევ გამოიყენონ პროფილაქტიკისთვის მიხაკი.
1 ჩ/კ გამხმარ მიხაკს დაასხით 1 ჩ/ჭ მდუღარე წყალი და დადგით 10 წუთი. უშაქროდ უნდა სვათ ჩაის ნაცვლად, 3-ჯერ დღეში, ჭამის შემდეგ, 15 დღის განმავლობაში. შემდეგი 15 დღე დაისვენეთ.
მიხაკის ნაყენი აწესრიგებს საჭმლის მონელებას, წმენდს სისხლს, შველის ოსტეოქონდროზსა და რადიკულიტს.
ექიმის კომენტარი: მიხაკის შესახებ არაერთი წერილი მივიღეთ „კარაბადინი- სათვის“. ზოგი მკითხველი მას გვთავაზობს ასთმის სამკურნალოდ, ზოგიც მაღალი წნევისთვის იყენებს. ამ უნიკალურ მცენარეს მართლაც მრავალმხრივი სამკურნალო თვისება გააჩნია: ხსნის სპაზმებს, აწესრიგებს საჭმლის მონელებას, ნივთიერებათა ცვლას, აქვს ანტიბაქტერიული, ანტიანთებითი მოქმედება.
