ქუთაისის საერთაშორისო აეროპორტი ბიუჯეტური მოგზაურებისთვის ერთ-ერთი საუკეთესო არჩევანია საქართველოში. ავიაკომპანია Wizz Air-ი აქედან არაერთ ხელმისაწვდომ მიმართულებას გვთავაზობს, რაც საშუალებას გაძლევთ, მცირე დანახარჯებით მოინახულოთ ევროპის სხვადასხვა ქალაქი, აღმოაჩინოთ ახალი ადგილები და მიიღოთ დაუვიწყარი გამოცდილება.
საუკეთესო ბიუჯეტური მიმართულებები ქუთაისიდან:
1. პოლონეთი - ბიუჯეტური მოგზაურობისთვის იდეალური მიმართულებაა
თუ გსურთ იმოგზაუროთ ბიუჯეტურად, შეგიძლიათ გაემგზავროთ პოლონეთში და მოინახულოთ ეს მშვენიერი ქვეყანა. Wizz Air -ით ქუთაისიდან პირდაპირი ფრენებით გაემგზავრებით ვარშავაში, კრაკოვში და გდანსკში.
- ვარშავა - პოლონეთის დედაქალაქი, სადაც შეგიძლიათ მოინახულოთ ძველი ქალაქი, მეფის სასახლე და თანამედროვე მუზეუმები.
- კრაკოვი - ისტორიული ქალაქი, რომელიც ცნობილია ვაველის ციხესიმაგრითა და ულამაზესი არქიტექტურით.
- გდანსკი - ზღვისპირა ქალაქი, სადაც შესანიშნავი პლაჟები და უნიკალური გერმანულ-პოლონური არქიტექტურა დაგხვდებათ.
2. უნგრეთი - ბუდაპეშტი
ბუდაპეშტი ევროპაში ერთ-ერთი ყველაზე მიმზიდველი და ხელმისაწვდომი ქალაქია. იგი ცნობილია თავისი ისტორიული ადგილებითა და ბუნებრივი თერმული აბანოებით.
- პარლამენტის შენობა - ერთ-ერთი ყველაზე შთამბეჭდავი ნაგებობა ევროპის მასშტაბით.
- ბუდას ციხესიმაგრე - ისტორიული ღირსშესანიშნაობა, რომელიც ქალაქის შესანიშნავ ხედს გთავაზობთ.
- სეჩენის აბანოები - ევროპაში ერთ-ერთი ყველაზე ცნობილი თერმული სპა.
3. იტალია - მილანი
მილანი მოდის დედაქალაქია, სადაც ასევე შეგიძლიათ ბიუჯეტურად გაემგზავროთ ქუთაისიდან და მოინახულოთ ეს მშვენიერი მიმართულება თავისი ცნობილი ღირსშესანიშნაობებით.
- დუომოს ტაძარი – მილანის სიმბოლო, რომლის მონახულებაც ყველასთვის მნიშვნელოვანია.
- გალერია ვიტორიო ემანუელე II – ულამაზესი სავაჭრო ცენტრი, სადაც შეგიძლიათ დაათვალიეროთ ცნობილი ბრენდების მაღაზიები.
- ბრერას უბანი – ხელოვნებისა და კულტურის მოყვარულთათვის საუკეთესო ადგილი.
4. გერმანია - ბერლინი
ბერლინი ერთ-ერთი ყველაზე ხელმისაწვდომი ქალაქია ევროპაში, რომელიც ცნობილი თავისი უნიკალური ისტორიითა და მოდერნული არქიტექტურით.
- ბრანდენბურგის კარიბჭე - გერმანიის ერთ-ერთი ყველაზე მნიშვნელოვანი სიმბოლო.
- ბერლინის კედლის მუზეუმი - უნიკალური ისტორიული ძეგლი, რომელიც ქვეყნის გაყოფილობის პერიოდს ასახავს.
- მუზეუმების კუნძული - ბერლინის კულტურული ცენტრი, სადაც შეგიძლიათ მსოფლიოს მასშტაბით აღიარებული მუზეუმები დაათვალიეროთ.
5. ესპანეთი - ბარსელონა
ბარსელონა ცნობილია თავისი ზღვისპირა ხედებით, უნიკალური არქიტექტურითა და გემრიელი ესპანური სამზარეულოთი.
- საგრადა ფამილია - გაუდის შედევრი, რომელიც ბარსელონას ყველაზე ცნობილი ღირსშესანიშნაობაა.
- პარკ გუელი - უნიკალური პარკი, რომელიც ანტონიო გაუდის არქიტექტურის საოცრებებს აერთიანებს და ბარსელონას საუკეთესო ხედს გთავაზობთ.
- ბარსელონას პლაჟი - იდეალური ადგილი დასვენებისთვის და მზეზე ნებივრობისთვის.
როგორ უნდა იმოგზაუროთ უფრო ბიუჯეტურად ?
- ხელბარგით ფრენა - მნიშვნელოვნად შეამცირებთ თქვენს ხარჯებს, თუ იმოგზაურებთ მხოლოდ ხელბარგით და თავიდან აირიდებთ რეგისტრირებული ბარგის დამატებით საფასურს. სწორად შეარჩიეთ ნივთები, რა შეიძლება წაიღოთ ხელბარგით და ისიამოვნეთ მოგზაურობით.
- ბიუჯეტური საცხოვრებელი - შეარჩიეთ იაფი ჰოსტელები, რაცასევე მოგცემთ საშუალებას დაზოგოთ თანხა.
- ადგილობრივი ტრანსპორტი - საზოგადოებრივი ტრანსპორტი ხშირად ბევრად იაფი და მოსახერხებელია, ვიდრე ტაქსი ან კერძო ტრანსფერი, რაც დამატებით დაზოგავს თქვენს ბიუჯეტს.
- ბიუჯეტური კვება - ეწვიეთ ადგილობრივ ბაზრებსა და მცირე კაფეებს, სადაც შეგიძლიათ არა მხოლოდ გემრიელი და ხელმისაწვდომი საკვები მიირთვათ, არამედ ქვეყნის ტრადიციული გემოებიც უკეთ გაიცნოთ.
Wizz Air-ის იაფი ავიაბილეთები ქუთაისიდან გაძლევთ შესაძლებლობას, ბიუჯეტურად იმოგზაუროთ ევროპის ულამაზეს ქალაქებში. სწორი დაგეგმვით, დაბალფასიანი ალტერნატივების გამოყენებით და მოგზაურობის სეზონის სწორად შერჩევით, შეგიძლიათ დაუვიწყარი თავგადასავალი შექმნათ დიდი ხარჯების გარეშე. ასე რომ, შეარჩიეთ მიმართულება, დაჯავშნეთ იაფი ავიაბილეთები და დაიწყეთ ახალი თვგადასავლები!
